Ditën e sotme një pallat te ish Parku në Tiranë është përfshirë nga një zjarr masiv, flakët e të cilit nuk janë shuar për orë të tëra. Raportohet se është shoqëruar në polici administratori i pallatit shumëkatësh, i cili do të merret në pyetje lidhur me ngjarjen. Ndërkohë, zjarri në pallatin shumëkatësh zgjati për më shumë se 3 orë deri në fikjen e plotë të flakëve.
Theksojmë se ende nuk janë bërë zyrtarisht të ditura shkaqet e rënies së zjarrit, teksa fatmirësisht nuk pati humbje jete.
