Lidhur me operacionin për shuarjen e vatrave të zjarrit në vendin tonë ka reaguar ambasadorja amerikane në Tiranë, Yuri Kim.
Me anë të një postimi në rrjetet sociale, Kim ka nënvizuar vlerën e bashkëpunimit multilateral kundër zjarreve që pushtuan vendin tonë. Gjithashtu më tej ajo ka shkruar se ky bashkëpunim ka sjell rezultate të mira në shtimin e sigurisë. Yuri Kim ka thënë ndër të tjera se ekspertët amerikanë po punojnë me pilotët e e helikopterëve holandezë dhe çekë, për të ndihmuar Forcat e Armatosura të Shqipërisë.
“Ekspertët amerikanë po punojnë nga afër me pilotët e helikopterëve holandezë dhe çekë, për të ndihmuar në përpjekjet heroike të forcave shqiptare ndaj zjarreve. Koordinimi mes Shqipërisë, Holandës, Republikës Çeke dhe SHBA-së ka prodhuar rezultate më të mira, duke përmirësuar sigurinë dhe rrezikun për operacionet me helikopter dhe për zjarrfikësit në terren”, shkroi Kim në Twitter.
🇺🇸 experts are working closely with Dutch & Czech helicopter pilots to assist the heroic efforts of 🇦🇱 forces against 🔥. Coordination among 🇦🇱 🇺🇸 🇳🇱 🇨🇿 has produced better results while improving safety & risk management for helo operations & firefighters in the ground. pic.twitter.com/ntUkTwBM7U
— U.S. Ambassador to Albania (@USAmbAlbania) August 13, 2021
Kujtojmë se ditën e sotme janë aktivizuar dy vatra të reja zjarri. Një vatër zjarri është ndezur në Pishkash të Përrenjasit. Mësohet se vatra është aktivizuar në lagjen Toromani dhe ka marrë drejtimin për në fshatin Karkavec. Po ashtu në vendin e ngjarjes kanë mbërritur edhe shërbimet zjarrfikëse, të cilat po ndihmohen edhe nga banorët e zonës për të bërë të mundur neutralizimin e flakëve.
Ndërsa mësohet se një tjetër vatër zjarri është aktivizuar në zonën e Kepit të Rodonit, në Durrës. Zjarri ka rënë në një zonë të pyllëzuar, ndërsa shërbimet zjarrfikëse të ndihmuar edhe nga banorët e zonës po punojnë për të neutralizuar flakët. Ndërkohë, zjarri favorizohet edhe nga erërat
