Ministria e Mbrojtjes ka dhënë informacion mbi situatën e zjarreve në territorin e vendit gjatë orëve të fundit, duke raportuar 25 vatra zjarri të evidentuara, nga të cilat aktualisht vetëm një vazhdon të jetë aktive.
Sipas njoftimit zyrtar, vatra e vetme aktive ndodhet në një sipërfaqe pyjore mbi fshatin Dhivër, në bashkinë Finiq, ku zjarri dyshohet se është shkaktuar nga një rrufe. Zjarri është në një terren të thepisur malor, por autoritetet po e mbajnë nën kontroll me ndërhyrjen e menjëhershme të shërbimit vendor të mbrojtjes nga zjarri.
Në total, në operacion janë angazhuar 39 automjete zjarrfikëse dhe 375 efektivë të forcave operacionale në të gjithë vendin për menaxhimin dhe izolimin e situatës.
Vatra aktive:
Në malin mbi fshatin Dhivër, bashkia Finiq, është aktivizuar një vatër zjarri në sipërfaqe pyjore në lartësi, si pasojë e një shkarkese nga rrufeja, dhe po mbahet nën kontroll nga MZSH lokale.
Zjarre të shuar:
* Në fshatin Gryksh i Madh, bashkia Elbasan, ku në terren u angazhuan 5 mjete zjarrfikëse dhe rreth 70 forca nga të gjitha strukturat operacionale.
* Në fshatin Dhorës, njësia administrative Qendër Skrapar.
* Në fshatin Gurë-Lurë, Parkun Kombëtar Lurë, ku në terren u angazhuan rreth 60 forca.
* Në fshatin Daullas, bashkia Fier, ku u angazhuan 4 mjete zjarrfikëse dhe rreth 55 forca nga strukturat operacionale.
* Në fshatin Lusën, bashkia Kukës, ku u angazhuan rreth 30 forca.
* Në fshatin Blinisht, bashkia Lezhë, ku në terren u dislokuan 3 mjete zjarrfikëse dhe rreth 20 forca operacaionale.
*Në qytetin e Leskovikut, bashkia Kolonjë.
* Në fshatin Grudë, bashkia Shkodër.
* Në fshatin Rrjoll, bashkia Shkodër.
* Në fshatin Ngjeqar, bashkia Roskovec.
Në terren u angazhuan 39 automjete zjarrfikëse dhe 375 forca operacionale. Përsërisim thirrjen drejtuar banorëve, të tregohen të kujdesshëm, të shmangin ndezjen e zjarreve dhe të raportojnë në kohë vatrat!
