Ministri i Mbrojtjes, Niko Peleshi ka treguar si paraqitet situata me flakët në vendin tonë. Peleshi ka bërë me dije se me ndërhyrje të përqendruar nga toka dhe nga ajri, tashmë është larguar rreziku i flakëve në drejtim të Parkut Kombëtar të Llogarasë. Gjithashtu më tej ai shkruan se operacioni vijon për të normalizuar situatën.
Ai me anë të një postimi në rrjetet sociale njofton se forcat zjarrfikëse janë përqëndruar aktualisht në zonën e tunelit të Kalimashit, ku si pasojë e erërave të forta dhe terrenit të vështirë zjarri ka marrë përmasa të mëdha dhe po përhapet drejt fshatit Shërmi.
Gjithashtu bëhet me dije se situata është drejt përmirësimit në më shumë se gjysmën e sipërfaqes së prekur nga flakët në zonën e Krushovës në Voskopojë,
Postimi i plotë i Niko Peleshit
Me ndërhyrje të përqendruar nga toka dhe nga ajri, tashmë është larguar rreziku i flakëve në drejtim të Parkut Kombëtar të Llogarasë, por operacioni vijon për të normalizuar situatën.
Forcat janë përqendruar në zonën e tunelit të Kalimashit, ku si pasojë e erërave të forta dhe terrenit zjarri është përhapur drejt fshatit Shëmri, ndërsa në vendin e quajtur Qafa e Kumbullës është bërë i mundur izolimi i flakëve.
Situata është drejt përmirësimit në më shumë se gjysmën e sipërfaqes së prekur nga flakët në zonën e Krushovës në Voskopojë, Po ndiqet me seriozitet një vatër zjarri në Qafën e Tërkuzit, në pjesën e Malit të Zi, në afërsi me kufirin tonë.
