Sekretari i Përgjithshëm i Partisë Socialiste, Taulant Balla me anë të një postimi në rrjetet sociale ka reaguar në lidhje me zjarret që ka përfshirë mbrëmjen e djeshme, Parkun Kombëtar Shebenik-Jabllanicë.
Balla ka bërë me dije se 6 vatra zjarri vijojnë të jenë aktive. Ndër të tjera Balla shkruan se i ka kërkuar Policisë dhe Prokurorisë që të identifikojnë dhe të vendosin para ligjit të gjithë personat e dyshuar për zjarrvënie të qëllimshme. Gjithashtu ai ka shprehur mirënjohje për punonjësit e Shërbimit Zjarrfikës Prrenjas, AdZM Elbasan si dhe shumë banorëve të zonës për betejën gjatë
“Rrajcë Skënderbe Gjashtë vatra zjarri në Parkun Kombëtar Shebenik-Jabllanicë.
Mirënjohje punonjësve të Shërbimit Zjarrfikës Prrenjas, AdZM Elbasan si dhe shumë banorëve të zonës për betejën gjatë natës së mbrëmshme.
I kam kërkuar sot Policisë dhe Prokurorisë të identifikojnë dhe vendosin para ligjit personat e dyshuar për zjarrvënie të qëllimshme.”, postimi i plotë i Ballës.
Kujtojmë se në vendin tonë ka ende disa vatra zjarri aktive, ku më problematikja është ajo nmë Majën e Rrunës. Po ashtu pak më parë ministri i Mbrojtjes është shprehur që edhe pse vatrat janë aktive,në Malin e Rrajcës dhe Përrenjasit janë vendosur nën kontroll. Gjithashtu situata është kritike edhe në malin e Tërbunit dhe në fshatin Dardhë dhe Fushë-Arrëz, era dhe terreni i vështirë po favorizojnë përhapjen e flakëve, ndërsa për të neutralizuar flakët po punojnë rreth 200 forca.
