Lufta me zjarret vazhdon edhe sot në Greqi ku një vatër e rrezikshme ndodhet në Vilia të Atikës Perëndimore dhe është e aktivizuar prej katër ditësh.
Protothema raporton se në vend po veprojnë më shumë se 420 zjarrëfikës së bashku me 7 avionë në mes tyre edhe vioni rus Beriev-200. Disa shtëpi janë dëmtuar dhe dhe shumë të tjera po kërcënohen nga flakët. Ditën e sotme janë evakuuar 5 familje të cilat ishin në rrezik nga flakët.
Shteti grek tashmë prej ditësh ndodhet nën frikën e flakëve dhe e rrezikuar prej tyre. Shërbimet e zjarrfikëses kanë bërë të mundur shuarjen e shumë zonave të prekura nga flakët dhe ende vazhdon puna dhe aksioni për shuarjen totale të flakëve në vend. Forcave të zjarrfikëses u kanë ardhur në ndihmë edhe banorët e shtëpive aty pranë për të neutralizuar sa më shpejtë flakët që të mos preknin banesat e tyre.
Shkak për përhapjen e flakëve janë bërë edhe temperaturat e larta të cilat kanë arritur maksimalen.
Situata është përmirësuar paksa dhe tashmë vendbanimet Agia Paraskevi, Karaouli dhe Thea nuk janë në rrezik, për të cilat u rekomandua më parë që të largoheshin banorët. Për shkak të situatës policia ka lajmëruar se do të ketë bllokim të rrugëve në këtë zonë.
