Maqedonia e Veriut ka shpallur ditën e sotme gjendjen e krizës për 30 ditë, si pasojë e zjarreve që kanë dalë jashtë kontrollit në disa zona. Institucionet e posaçme të emergjencave të krizave ia kanë propozuar qeverisë, e cila ka marrë menjëherë vendimin për shpalljen e gjendjes së krizës .
Hera e fundit që Maqedonia e Veriut ka shpallur gjendje të krizës ka qenë prej pandemisë globale të COVID-19.
Me këtë vendim nënkuptohet se qeveria mund të shfrytëzojë resurset e organeve të administratës shtetërore, komunave dhe Shkupit, kurse me marrëveshje shfrytëzohen resurset e qytetarëve, ndërmarrjeve publike dhe shoqërive aksionere.
Por si paraqitet situata në Maqedonine Veriut me Zjarret?
Sipas njoftimit që kanë bërë autoritetet në Kumanovë, zjarri në zonën e Jaqincës së Epërme në rajonine KLumanovës është ende aktive. Ndërsa mësohet se në zonën e Dovezencës dhe Jaqincë-Murgash, janë vënë nën kontroll. Ndërsa gjkatë orëve të para të ditës së sotme janë shuar tre vatra zjarri. Po ashtu kodra e Lipec-it, është shkrumbuar gjatë natës në të dy anët e saj që të çojnë drejt zonë së Dovezences dhe Murgashit. Mësohet se zjarri ka prekur një zonë pyjore me bar të thatë dhe si pasojë e temperaturave të larta dhe erës, flakët kanë përparuar duke djegur hapësira të tëra me bar.
