Në Korçë, një zjarr ka përfshirë sanatoriumin, dhe si pasojë një pacient ka mbetur i plagosur. Pacienti me iniciale B. D., 62 vjeç ka ndezur një cigare, ndërkohë që ka pasur maskën e oksigjenit, gjë e cila ka shkaktuar flakët. Bëhet e ditur se ai ka pësuar dëme të lehta dhe po merr ndihmën e nevojshme mjekësore.
Gjithashtu rreth orës 04:00 në qytetin e Bilishtit, ka rënë zjarr në mjetin tip “Benz”, në pronësi të shtetasit K. H., i parkuar para banesës së tij, i cili për pasojë është djegur plotësisht.
Ndërkohë që rupet hetimore po punojnë për zbardhjen e rrethanave të ngjarjeve.
Njoftimi i Policisë:
KORÇË
Zjarr në sanatoriumin e Korçës, një pacient ka mbetur i plagosur.
Policia njofton se mesnatën e sotme, në lagjen nr. 4, Korçë, në godinën e sanatoriumit, ka rënë zjarr në një nga dhomat e saj, ku për pasojë ka marrë djegie të lehta pacienti B. D., rreth 62 vjeç, banues në Korçë, i cili po merr ndihmën e nevojshme mjekësore.
Gjithashtu rreth orës 04:00, jemi njoftuar se në qytetin e Bilishtit, ka rënë zjarr në mjetin tip “Benz”, në pronësi të shtetasit K. H., i parkuar para banesës së tij, i cili për pasojë është djegur plotësisht.
Nga të dhënat e para, dyshohet se zjarret kanë rënë për shkaqe aksidentale.
Grupet hetimore po punojnë për zbardhjen e rrethanave të ngjarjeve.
