Një zjarr ka shpërthyer në Qëndrën Tregtare “Metropol” në Lushnjë sot, duke detyruar evakuimin e qytetarëve. Forcat e policisë dhe sigurisë kombëtare janë mobilizuar, ndërsa shërbimet e zjarrfikëses po punojnë për të fikur flakët. Gjithashtu, një grup hetimor është formuar për të sqaruar rrethanat e zjarrit.
Njoftimi i Policisë:
Lushnjë/Informacion paraprak
Rreth orës 14:40, njoftohemi se në Qëndrën Tregëtare “Metropol” në qytetin e Lushnjës ka rënë zjarr.
Shërbimet e Komisariatit të Policisë Lushnjë dhe Forca e Posaçme “Shqiponja” kanë shkuar në vendngjarje dhe po marin masa për evakuimin e qytetarëve dhe banorëve në qëndrën tregëtare.
Janë dërguar edhe forcat e sigurisë kombëtare në mbeshtetje të Policisë Vendore për evakuimin e qytetarëve.
Shërbimet zjarrëfikëse ndodhen në vendngjarje dhe po punojnë për shuarjen e flakëve.
Eshtë ngritur një grup i posaçëm hetimor dhe në drejtimin e Prokurorisë, po punohet për zbardhjen e rrethanave të rënies së zjarrit.
