Parkingu i një pallati në rrugën “Dritan Hoxha” është përfshirë nga flakët ditën e sotme. Ngjarja ka ndodhur rreth orës 17:35, ndërsa policia dhe zjarrfikësit kanë bërë të mundur evakuimin e banorëve dhe janë duke punuar për fikjen e zjarrit, i cili aktualisht është ende aktiv. Në vendngjarje ndodhet gjithashtu edhe një ambulance në rast se do të ketë nevojë për ndihmë mjekësore për persona të lënduar. Ndërkohë, grupi hetimor është në vendngjarje dhe duke punuar për të përcakuar shkaqet e rënies së zjarrit.
Paraprakisht bëhet me dije se zjarri mund të ketë rënë pasi një mjet ka shpërthyer në brendësi të parkingut, por ende nuk dihen detaje të tjera. Më pas flakët janë përhapur edhe në banesa dhe në ambientet e përbashkëta të pallatit dhe ka pasur sasi të mëdha tymi.
Njoftimi i plotë i Policisë së Shtetit:
Më datë 31.05.2021, rreth orës 17:35, në rrugën “Dritan Hoxha” ka rënë zjarr në parkingun e një pallati. Nga sherbimet e Policisë dhe sherbimet e zjarrfikses është bërë evakuimi i menjëhershëm i banorëve dhe po punohet për fikjen e zjarrit. Në vendngjarje ndodhet dhe sherbimi i ambulancës në rast nevoje për ndihmë mjekësore. Grupi hetimor po punon për përcaktimin e shkakut të rënies së zjarrit.
