Një apartament është përfshirë nga flakët mesditën e sotme në kryeqytet. Mësohet se apartamenti që mori flakë ndodhet në katin e gjashtë të një pallati në zonën midis “Myslym Shyrit” dhe “Shallvareve”. Si pasojë e flakëve që është asfiksuarpronari i banesës, e cila ndodhej brenda në banesë në momentin që u përfshi nga flakët. Ai është shpëtuar nga forcat zjarrfikëse dhe është dërguar me urgjencë në spital. Në vendngjarje kanë shkuar tre zjarrfikëse dhe një autoshkallë dhe pas disa minutave punë flakët janë vendosur nën kontroll, teksa është djegur një dhomë e apartamentit.
Forcat zjarrfikëse kanë arritur të vënë nën kontroll flakët. Ata janë futur në apartamentin e një fqinji dhe përmes dritares së një prej dhomave kanë hedhur ujë për të shuar flakët. Zjarri ka shkaktuar panik tek banorët të cilët kanë dalë të alarmuar. Mësohet se flakët kanë përfshirë një apartament pranë pallatit të ish-kryeministrit Fatos Nano.
Mësohet se shtëllungat e tymit kanë pushtuar zonën e “Shallvareve” dhe të “Myslym Shyrit”, fatmirësisht nuk raportohet për viktima, por vetëm për dëme të shumta materiale. Ende nuk dihet shkaku i rënies së zjarrit.
Informacion paraprak
Më datë 18.05.2021, rreth orës 14:50, në rrugën “Aldi Boshnjaku”, ka rënë zjarr në katin e 5 të një pallati. Si pasojë është dërguar për ndihmë mjekësore pronari i banesës i cili ka shfaqur disa shqetesime shendetesore.
Shërbimet e zjarrfikëses ndodhen në vendngjarje dhe bënë të mundur fikjen e zjarrit.
Grupi hetimor vijon punën për sqarimin e rrethanave të ngjarjes dhe përcaktimin e shkakut të rënies së zjarrit.
