Një ngjarje ka ndodhur orët e para të mëngjesit në konviktetet e Qytetit Studenti ku ka marrë flakë një dhomë.
Burime për “Fax News” bëjnë me dije zjarri ka rënë si shkak i një rezistence elektrike dhe se në dhomë banonte një studente, e cila është hedhur nga ballkoni për t’i shpëtuar flakëve.
Mësohet se e studentja ka thyer këmbën, ndërsa pritet të zbardhen detaje të reja mbi ngjarjen. Ndërkohë sipas njoftimit të policisë thuhej se ka pasur vetëm dëme materiale.
Grupi hetimor ndodhet në vendngjarje dhe po punon për zbardhjen e plotë të shkaqeve të rënies së zjarrit.
Njoftimi i Policisë:
Tiranë/Informacion paraprak
Më datë 09.03.2022, në Qyteti Studenti, gjatë orëve të para të mëngjesit, ka rënë zjarr në katin e tretë të konviktit, në një dhomë të pabanuar, dhe si pasojë ka vetëm dëme materiale.
Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit.
Kujtojmë që pothuajse para 3 viteve Qyteti Studenti është përfshirë nga zjarri, ku kanë morën flakë disa shkurre si dhe një banesë disa katëshe.
Pronarët e shtëpisë në flakë jashtë kamerave thonë se çatia e shtëpisë mori flakë nga ciflat e zjarrit që u përhapën për shkak të erës.
Në një moment situata u duk e vështirë por ndërhyrja e zjarrfikësve ndihmoi që të izoloheshin flakët. Në ndihmë të zjarrfikësve ishin edhe reshjet e shiut.
Dyshimet e para janë se persona të panjohur i kanë vënë flakën shkurreve dhe flakët janë përhapur më pas me shpejtësi për shkak të erës.
