Një zjarr ka shpërthyer në nënstacionin elektrik të Draçin në Shkodër, ndërsa shkaqet e flakëve ende mbeten të paqarta. Dyshohet se ngjarja ka ndodhur për shkak të një defekti teknik.
Zjarri ka përfshirë gjithashtu dy nënstacione të tjera, duke shkaktuar ndërprerje të furnizimit me energji elektrike në disa zona të qytetit. Autoritetet po kryejnë hetime për të zbuluar shkakun dhe për të riparuar dëmet.
Shkodër/Informacion paraprak
Rreth orës 11:30, dyshohet se për shkak të shkëndijës elektrike ka rënë zjarr në kabinën elektrike të një pallati në rrugën “Vëllezërit Frashëri”. Shkëndija në kabinë ka shkaktuar masë elektrike në nënstacionin elektrik në vendin e quajtur “Draçin”. Si pasojë, në nënstacion është ndezur zjarr dhe përhapja e flakëve ka shkaktuar zjarr dhe në magazinën në pronësi të shtetases R. L., 34 vjeçe, objekt që ndodhet në afërsi të nënstacionit. Nga zjarret ka vetëm dëme materiale.
Shërbimet e Policisë po bashkëpunojnë me zjarrfikësit, për të mundësuar shuarjen e zjarreve.
Ndërkaq, grupi hetimor, nën drejtimin e prokurorit, po heton për të dokumentuar shkaqet e këtyre rasteve.
