Një lokal është shkrumbuar nga flakët mbrëmjen e së enjtes në berat. Sipas informacioneve të marra bëhet me dije se ngjarja ka ndodhur në afërsi të Urës së Goricës. Zjarri ka nisur fillimisht në një nga dhomat e gatimit të lokalit dhe më pas flakët janë përhapur me shpejtësi në të gjithë lokalin, kjo për shkak edhe të konstruktit prej druri me të cilin ishte ndërtuar.
Ngjarja është pikasur nga banorët që kanë lajmëruar efektivët e Repartit Zjarrfikës të qytetit. Pas mbërritjes, zjarrfikësit kanë bërë të mundur të lokalizojnë në një kohë të shkurtër flakët dhe të shuajnë totalisht zjarrin.
Edhe pse forcat e zjarrfiokëses kanë mbërrityur në kohë për shuarjen e flakëve,zjarri I rënë përsëri përshiu me shpejtësi të gjithë sipërfaqen e lokalit,duke shkrumbuar pothuajse gjithçka që ndodhej brenda në ambientet e lokalit.
Fatmirësisht gjatë momentit të rënies së zjarrit në lokal nuk ka pasur njerëz por dëmet materiale të shkaktuara janë të mëdha. Mësohet se shkak për rënien e zjarrit që përfshiu të gjithë ambientet e lokalit duke shkrumbuar kështu çdo gjë, ishte bërë zgara në dhomën e gatimit, e cila ishte lënë gabimisht ndezur nga punonjësit.
Autoritetet e Policisë së bashku me forcat e tjera të emergjencës ndodhen në vendin e ngjarjes ku po punojnë për zbardhjen e plotë të ngjarjes.
