Një ngjarjee rëndë ka ndodhur në Kamëz, ku është rregjistruar një vatër zjarri në ambientet e Komisariatit të Policisë Nr. 5. Është shënuar një viktimë si pasojë e zjarrit të rënë në ambientet e Komisariatit të Policisë Nr. 5 në Kamëz.
Policia bën të ditur, se viktima është shtetasi A. M., ndërsa në spital janë dërguar D. I., dhe punonjësi i policisë H. B. Deri më tani nuk dihen rrethanat se si shpërtheu zjarri, ndërsa mësohet se zjarrfikëset kanë mundur të neutralizojnë flakët.
Ndërkohë, zjarrfikëset, kanë mundur të neutralizojnë vatrën, ndërsa momentalisht punonjësit e komisariatit po evakuohen nga godina, për shkak të tymit të dendur. Bëhet e ditur se të ndaluarit do të shpërndahen nëpër komisariate të tjera.
Njoftimi i Policisë:
Tiranë/Informacion paraprak
Më datë 26.03.2022, në Kamzë, në ambientet e Komisariatit të Policisë Nr. 5, në rrethana ende të paqarta, ka rënë zjarr dhe si pasojë janë dëmtuar dhe janë dërguar në spital për ndihmë mjekësore shtetasit e ndaluar A. M., D. I., dhe punonjësi i policisë H. B.
Shtetasi A. M., ka ndërruar jetë në spital.
Me ndërhyrjen e zjarrfikëseve dhe të punonjësve të Policisë të Komisariatit Nr. 5, zjarri u shua. Grupi hetimor ndodhet në vendngjarje dhe po punon për sqarimin e rrethanave të ngjarjes.
