Bodrum i një banese është përfshirë nga flakët në një pallat në Elbasan. Policia bën me dije se ngjarja ka ndodhur në lagjen “Kongresi i Elbasanit”, ndërsa fatmirësisht nuk ka pasur persona të lënduar. Si pasojë e zjarrit janë dejgur disa materiale të një biznesi që ishte në pronësi të shtetasit D.Ç. Nga hetimet e para të policisë dyshohet se zjarri ka rënë për shkaqe aksidentale. Në vendin e ngjarjes ndodhen shërbimet e zjarrfikëses dhe forcat e policisë në mënyrë që të bëhet e mundur fikja e zjarrit.
Në një video të publikuar nga Balkan Web duken shtëllungat e tymit që dalin nga bodrumi i pallatit 12 katësh, ndërsa zjarrfikësja punon për shuarjen e flakëve. Po ashtu në vendngjarje shihet që ka mbërritur edhe një ambulancë për të ardhur në ndihmë për çdo rast.
Njoftimi i policisë:
Elbasan/ Informacion paraprak
Në lagjen “Kongresi i Elbasanit” në bodrumin e një pallati ka rënë zjarr dhe janë djegur disa materiale të një biznesi në pronësi të shtetasit D. Ç., dhe nuk ka probleme në jetën e banorëve.
Nga hetimi parapra dyshohet se zjarri ka rënë për shkaqe aksidentale.
Në vendngjarje ndodhen shërbimet e zjarrfikëses si dhe forcat e policisë për të bërë të mundur fikjen e zjarrit.
