Një inicident ka ndodhur paraditen e së shtunës në ambientet e spitali Covid3.
Ngjarja ka ndodhur paraditen e sotme, rreth orës 11:00, por flakët janë shuar në kohë nga ana e zjarrfikësve
Ambientet e spitali COVID3, konkretisht kati i parë i godinës është përfshirë nga zjarri. Fatmirësisht në këtë kat nuk ka persona të shtruar, ku trajtohen të sëmurë me koronavirus.
Ndërkaq Policia e Tiranës ka reaguar në lidhje me zjarrin që ra sot në ambientet e COVID3.
Sipas bluve, nga zjarri ka pasur vetëm dëme materiale, ndërsa vatra është vënë nën kontroll dhe është shuar. Grupi Hetimor është në vendngjarje dhe po punon për sqarimin e rrethanave të rënies së zjarrit.
Paraprakisht dyshohet se zjarri ka nisur si pasojë e një shkëndije elektrike në një ngrohëse elektrike të lënë ndezur në një nga zyrat e administratës. Megjithatë ky është dyshimi paraprak, ndërsa versioni final pritet që të jepet pas përfundimit të hetimeve nga ana zjarrfikësit dhe grupi hetimor.
NJOFTIMI I POLICISË
Me datë 27.11.2021, te spitali “Covid 3” ka rënë zjarr në një nga zyrat e administratës, ku ka vetëm dëme materiale.
Shërbimet zjarrfikëse kanë bërë të mundur fikjen e zjarrit.
Grupi Hetimor është në vendngjarje dhe po punon për sqarimin e rrethanave të rënies së zjarrit.
