Një zjarr i fuqishëm ka rënë këtë pasdite tek Kodrat e Selitës në Tiranë duke përfshirë sipërfaqe të mëdha bimore.
Deri më tani nga ajo çfarë raportohet dy zjarrfikëse kanë mbërritur në vendngjarje, mirëpo për shkak të terrenit të thyer dhe erës që po fryn janë duke hasur vështirësi në vendosjen nën kontroll të flakëve, të cilat nëse vazhdojnë kështu rrezikojnë banesat aty pranë.
Raportet kanë treguar se deri në këto momente nuk ka asnjë person të lënduar, ndërkohë që është duke u punuar për shkaqet që i kanë shkaktuar flakët.
Policia ende nuk ka nxjerrë një deklaratë që të sqarojë se cili mund të jetë rreziku më i madh nëse flakët nuk vendosen nën kontroll, megjithatë jemi në pritje të çdo të reje.
