Shkencëtarja franceze, Emmanuelle Charpentier, dhe studiuesja amerikane, Jennifer A. Doudna, fituan Çmimin Nobel në Kimi, pasi kanë arritur të zhvillojnë teknikën e modifikimit të ADN-së.
Metoda e dy kërkueseve mundëson rishkrimin e kodit të jetës dhe shërben për modifikimin e gjenit. Charpentier dhe Doudna do të marrin një medalje të artë për punën e tyre shkencore dhe një çmim në para, prej 1.1 milion dollarësh.
Fitueset u shpallën të mërkurën në Stokholm nga Goran Hansson, sekretar i përgjithshëm i Akademisë Mbretërore të Shkencave në Suedi.
Ndërkohë çmimi për letërsi do të shpallet më 8 tetor dhe çmimi për paqe më 9 tetor.Të hënën dhe të martën u ndanë çmimet për mjekësi dhe fizikë.Çmimi për ekonomi do të mbyllë sezonin e çmimeve Nobel më 12 tetor.
