Ditën e mërkurë më datë 14 tetor, Dardanët e Kosovës u përballën me Greqinë në ndeshjet e vlefshme për Ligën e Kombeve, dhe kombëtarja e Kosovës arriti një barazim dinjitoz edhe pse me mungesa të shumta në fushë.
Për këtë ndeshje FKK njoftoi se tre lojtarët, Edon Zhegrova, Arbër Zeneli dhe Valon Berisha nuk do të jenë pjesë r ekipit në ndeshjen në Athinë për shkak të problemeve shëndetësore që kishin, por duket se gjërat nuk janë kështu.
Komentatori dhe gazetari sportiv, Agim Kasapolli, ka zbuluar diçka tjetër në lidhje me këtë ngjarje që kishte ndodhur në dhomat e zhveshjes.
Ai është shprehur gjatë emisionit “Pressing” në TV7 se Valon Berisha dhe Edon Zhegrova janë përleshur në dhomat e zhveshjes. Të dy këta lojtarë më pas nuk ishin në ndeshjen e radhës me Greqinë.
“Kam informata se Zhegrova dhe Valon Berisha kanë pasur përleshje në dhomat e zhveshjes pas ndeshjes ndaj Sllovenisë”, u shpreh ndër të tjera gazetari.
