Të dhënat dixhitale të 19-vjeçares ne origjinë shqiptare, Artemis Vasili, kanë humbur, pasi dikush ende i panjohur ka fshirë këto të dhëna elektronike nga “e-mail”. Sipas hetuesëve grekë, gjurmët dixhitale do të ishin të dobishme për zbulimin e zhdukjes së vajzës shqiptare. Pasi kjo e dhënë është zbuluar, Hetuesi i Krimeve Kompjuterike i çështjes, ka kontaktuar menjëherë me “Google” në mënyrë që personi i cili ka fshirë këto të dhëna të identifikohet, përpara se këto prova të humbin.
Sipas emisionit “Dritë në tunel”, ndihma e Kriminologut Vassilis Georgopoulos, ishte shumë e rëndësishme. Me iniciativën e emisionit dhe pas konsultimit me familjen, u bë e mundur vazhdimi i hetimeve.
Artemis Vasilis u largua nga shtëpia rreth 6 muaj më parë. Familjarëve u tha se do shkonte për të dhënë një intervistë pune në një dyqan lodrash të njohur në Koropi, por sipas hetimit të policisë, Artemis kurrë nuk shkoi në “Jumbo”. Sipas familjes së saj, Artemis kishte takuar një 24-vjeçar që kishte njohur përmes rrjetit social “Facebook”, por vetë djali nuk ka pranuar të ketë pasur lidhje me zhdukjen e saj.
Kërkimet për të gjetur vajzën shqiptare vazhdojnë ende, ndërsa me përfshirjen e “Google” për të gjetur njeriun që ka fshirë të dhënat dixhitale, mund të ndihmojë në zbardhjen e ngjarjes dhe të gjetjes së Vasilis.
