Seanca gjyqësore e planifikuar për sot ndaj Dritan Rexhepit, në lidhje me rrëmbimin dhe zhdukjen e Jan Prengës, është shtyrë.
Gjatë kësaj seance, ishte parashikuar që Festim Bexhdili, një nga të dënuarit për këtë ngjarje, të dëshmonte në procesin ndaj Aldo Majnishtës, Gentian Funiqit, Martin Beltës, Korado Gështenjës, Artan Doçajt dhe Geraldo Martinit.
Bexhdili, i cili në Shkallë të Parë është dënuar me burgim të përjetshëm për rrëmbimin dhe zhdukjen e Jan Prengës më 17 janar 2020, ka dhënë pëlqimin për t’u pyetur në lidhje me këtë çështje. Ndërkohë, procesi ndaj tij vijon në Gjykatën e Posaçme të Apelit.
Shtyrja e seancës erdhi si pasojë e mungesës së avokatit të Gentian Funiqit. Gjykata ka caktuar seancën e radhës më 16 prill, në orën 14:00.
