Zhdukja e vajzave nga shtëpitë padyshim që është një fenomen i njohur, por këtë herë rasti që është shënuar në Cërrik mund të quhet i rëndë.
Prej tre muajsh tashmë familjarët e Lindita Babit, e kanë kërkuar 27-vjeçaren pasi e kishin denoncuar të humbur, mirëpo nuk kanë arritur të bien të gjurmët e saj deri mbrëmjen e djeshme.
Ka qenë emisioni “Pa Gjurmë” ai që ka zbuluar vendndodhjen e saj, ku nga ajo që mësohet disponohen foto dhe video të vendit ku Babi punon si kërcimtare në një lokal nate në Tiranë.
Ende nuk ka asnjë informacion nëse është e detyruara që të qëndrojë në një ambient të tillë, por në një lidhje telefonike ajo ka thënë se është shumë mirë dhe se punon kamariere. Sipas 27-vjeçares nga Cërriku, ajo është përpjekur të lidhet me familjarët, por e kanë pasur telefonin e mbyllur. Ndërsa në fund të lidhjes telefonike është shprehur që ta lënë të qetë ata dhe familja e saj, pasi ajo ka jetën e saj.
“Jam shumë mirë, jam në Tiranë dhe punoj kamariere. Sot jam përpjekur që të flas me familjen, por e kanë të mbyllur telefonin. Unë banoj te Komuna e Parisit, nuk mund të them ku punoj, pasi ajo që ndodhi më hapi probleme mua dhe të punës sime. Pasi cdo kush mund të thotë në të zezë, apo prostitucion, por unë nuk shfrytëzohem, jam shumë mirë. Unë jetën time e mendova më të mirë. Kërkova kartën e identitetit, pasi është e imja. Kur të kem kohë do të shkoj ti vizitoj. Unë kam jetën time, më lini rehat që të vijoj jetën time. Më lini rehat ju edhe familja ime” u shpreh Lindita Babi.
