Në mënyrë të papritur sekretarja e Gjykatës së Lezhës Klaudia Marku është larguar nga banesa. Fillimisht lajmi është njoftuar nga bashkëjetuesi i saj, i cili gjithashtu denoncoi humbjen e nënëns së dy fëmijëve.
Theksojmë se denoncimi është bërë në Policinë e Lezhës dhe tashmë po zhvillohen hetimet e nevojshme. Familjarët thonë që nuk ka pasur asnjë problematikë dhe se janë tronditur nga humbja e papritur e saj. Dyshohet po ashtu që zhdukja të jetë kryer edhe për shkak të detyrës së saj, por nuk përjashtohet asnjë mundësi tjetër.
Policia po heton të gjitha pistat.
Vlen të përmendim se aktualisht në Gjykatën e Lezhës është ngirtur si problematikë mungesa e gjyqtarëve. Me zhdukjen e sekretares, problemi i mungesës së stafit bëhet akoma më i theksuar. Gjykata e Lezhës po shkon drejt kolapsit, për shkak të mungesës së gjyqtarëve.
Avokati Ndre Molla për “Syri Tv” pasra disa javësh ka ngritur shqetësimin duke u shprehur se mungesa e gjyqtarëve po zvarrit proceset gjyqësore pasi janë vetëm 3 gjyqtarë nga 7, të cilet nuk arrijnë të trajtojnë ashtu siç duhet mbi 30 seanca gjyqësore në ditë. Molla thekson se mungesa e gjyqtarëve ka cënuar liritë dhe të drejtat themelore të njeriut. Harta e re gjyqësore parashikon shkrirjen e Gjykatës së Kurbinit dhe kjo do të sjellë të tjera ngarkesa dhe zvarritje të proceseve gjyqësorë të cilat do të trajtohen në Gjykatën e Lezhës.
