Policia e Bulqizës ka arrestuar një 30-vjeçar, J. B., i cili kishte shkelur masën e sigurisë “Arrest në shtëpi”.
Gjatë kontrollit rutinë, u vërtetua se ai nuk ndodhej në banesën e tij, siç parashikohej. Pas kërkimeve të shpejta, forcat e rendit arritën ta kapnin. J. B. ishte vendosur në masën e sigurisë nga Gjykata e Dibrës për “Shkeljen e rregullave të qarkullimit rrugor” dhe “Largimin nga vendi i aksidentit”.
Tashmë, ndaj tij është ngritur edhe akuza për “Largimin e të burgosurit nga vendi i qëndrimit”.
Çështja ka kaluar në Prokurorinë e Dibrës për hetime të mëtejshme.
