Policia e Durrësit ka nxjerrë një deklaratë të rëndësishme, ku ka lajmëruar zhdukjen e një 12- vjeçareje që prej ditës së djeshme. Vajza është në klasën e pestë dhe që prej ditës së djeshme nuk është kthyer në shtëpi. Ditën e sotme prindërit kanë bërë një denoncim në polici, ku edhe kanë dhënë dëshminë e tyre. Të pyetur nga uniformat blu ata janë shprehur se nuk kanë konflikte e persona të tjerë dhe duan vetëm që vajza e tyre të kthehet në shtëpi.
Po kështu edhe Policia e Durrësit ka dhënë informacione për 12-vjeçaren duke treguar foton e saj si dhe karakteristika që mund të ndihmojnë për gjetjen e saj.
NJOFTIMI I POLICISË
Më datë 08.03.2019, në Komisariatin e Policisë Durrës ka bërë kallëzim shtetasja D.Ll., pasi i është larguar nga banesa (rreth orës 13:30 ,të datës 08.03.2019) vajza e mitur me iniciale L.Ll., 12 vjeçe.
Sipas deklarimeve të familjarëve shtetësia e humbur është rreth 125 cm e gjatë, me flokë të gjata ngjyrë gështenjë dhe ka të veshur një xhup ngjyrë gri të shkurtër, streçe ngjyrë gri dhe atlete ngjyrë të kuqe dhe gri.
Shërbimet e Policisë janë angazhuar maksimalisht dhe po vijojnë kërkimet për gjetjen e saj.
Drejtoria Vendore e Policisë Durrës kërkon bashkëpunimin e qytetarëve që për çdo informacion që mund të disponojnë të telefonojë në numrin pa pagesë 112 ose 129.
