Ralf Gjoni, deputeti më i ri i Kuvendit të Shqipërisë, i cili ka dalë nga listat e LSI-së, deklaroi se opozitarët e futur në Parlament po kërcënohen për të mos u futur në zgjedhjet vendore.
I ftuar në “Ora News” ai ka theksuar se nëse ata marrin pjesë në zgjedhje, rrëmujat do të shoqërojnë vendin, do të digjen qendrat e votimit, ndërsa deputetët do të tërhiqen zvarrë.
“E dini ju se cili argument po bëhet për mosbërjen e zgjedhjeve sot? Mos shkoni në zgjedhje na thonë neve. Mos bëni gafë të bëheni ju alibia e futjes në zgjedhjet lokale sepse do bëhet rrëmujë. Do djegim qendrat e votimit. Pra do vrasim njerëz thonë, do ju tërheqim zvarrë. Ky është diskursi.” – theksoi Gjoni.
Kujtojmë se një ditë më parë kryetari i Partisë Demokratike, Lulzim Basha, është shprehur se zgjedhjet lokale të 30 qershorit do të shtyhen.
