Këngëtarja shqiptare me famë botërore, Dua Lipa, si gjithmonë është e shpenguar kur i bën publike bindjet e saj politike dhe jo vetëm.
Së fundmi, në një video të bërë për komunitetin e shqiptarëve në SHBA, Dua Lipa e ka shprehur përkrahjen e saj për Joe Biden, i cili po kandidon për president të SHBA-së.
“Përshëndetje të gjithëve, jam Dua Lipa. Vota juaj nuk ka qenë kurrë kaq e plotfuqishme. Joe Biden qëndroi me ne kur Kosova u ballafaqua me një katastrofë njerëzore. Dhe ai dhe Kamala Harris besuan në demokraci dhe institucionet ndërkombëtare. Për ju që po votoni për herë të parë, jam kaq krenare, bëjeni një ditë që mbahet mend, sillni familjarët tuaj dhe bëjeni një ditë për t’u festuar. Bëhuni ndryshimi që na duhet”, tha këngëtarja në videon e transmetuar.
Kujtojmë se vitin e kaluar, këngëtarja me origjinë shqiptare, kundërshtoi përmes rrjeteve sociale zgjedhjen e Boris Johnsonit si kryeministër të Britanisë së Madhe, duke e quajtur atë një dështim total./GazetaReforma.com/
