Fati nuk po e ndihmon kandidatin demokrat për president në SHBA, Joe Biden, fushata elektrorale e të cilit është shoqëruar me gafa dhe skandale të shumta.
Kur na ndajnë edhe 11 ditë nga zgjedhjet presidenciale të 3 nëntorit, sfidanti demokrat i Biden, dështoi në debatin e fundit televiziv kundër presidentit aktual, Donald Trump.
Kur diskutimet për ndryshimet e klimës po shkonin drejt fundit, Trump i bëri ish-zëvendëspresidentit një pyetje të ndjeshme: A do e mbyllësh industrinë e naftës?
Dhe Biden tha PO. Ai tha se nuk do varet më te industria e naftës. Edhe moderatorja Welker mbeti e habitur dhe pyeti: Pse do e bësh këtë?
Trump kaloi menjëherë në stil sulmi, për shkak se miliona vende pune varen nga industria e naftës në SHBA.
Presidenti tha: “Kjo është deklarata më e rëndësishme e Biden. Ai tha se do të shkatërrojë industrinë e naftës”.
Më pas iu drejtua audiencës: “A do e mbani mend këtë Teksas, Pensilvania, Oklahoma, Ohajo?”. Bëhet fjalë për shtetet e diskutueshme, ku Trump kërkon të fitojë më 3 nëntor.
Pas debatit, Trump e përdori menjëherë mundësinë. Ekipi i tij po blen kohë televizive për të folur për naftën.
Pak ditë përpara zgjedhjeve, Joe Biden nisi të kritikohej nga njerëzit e tij.
Politikania demokrate e Kongresit, Torres Small nga Nju Meksiko tha se është kundër deklaratave të ish-zëvendëspresidentit. “Energjia është shtylla kurrizore e ekonomisë në Nju Meksiko. Nuk mund të demonizohet një industri e vetme”.
Kurse kolegia e saj nga Oklahoma, Kendra Horn tha se “duhet të ngrihemi dhe të mbrojmë industrinë e gazit dhe naftës”.
Arsyeja e qartë për këtë mosaprovim nga demokratët lidhet me faktin se SHBA është prodhuesi më i madh i naftës në SHBA.
/GazetaReforma.com/
