Partia e presidentit të Serbisë, Aleksandër Vuçiq ka fituar zgjedhjet e radhës të mbajtura një ditë më parë. Këtë radhë ai ka fituar bindshëm duke marrë numrin më të madh të vendeve të deputetëve në Parlament. Madje ka fituar bindshëm edhe në zemrën e Serbisë, në Beograd.
Partia e Vuçiq ka marrë 38.2% të votave për Beogradin i ndjekur nga koalicioni “Serbia kundër dhunës” me 35.1% të votave.
Pas fitores, ai iu drejtua qytetarëve me një fjalim live, duke treguar se rezultatet ishin të kënaqshme.
“Deri më tani, nuk kemi gjetur asnjë qendër votimi në Serbi ku kemi marrë më pak vota se në zgjedhjet e mëparshme. Pra, në të gjitha qendrat e votimit mbështetja po rritet mesatarisht me 10% në krahasim me atë që kishim një vit më parë” – theksoi presidenti serb.
