Një deklaratë, duhet thënë e rëndë, vjen nga Robert Rakipllari, kryeredaktori i Panorama.
I ftuar në Opinion, Rakipllari ka thënë se zgjedhjet për Kryesinë e Partisë Demokratike nuk ishin transparente dhe për më tepër sekretarët dukeshin të vendosur më shumë se të zgjedhur.
Gjithashtu kryeredaktori i Panorama ka thëën që ishin përballë emrave të tillë si Gazmend Bardhi apo Çlirim Gjata, ishin kandidatura sorrogato dhe aspak serioz.
Megjithatë ai ka thëën se mendon se ekzistojnë dy-tre tendenca të këtyre emrave të kryesisë së re të PD-së, duke nënvizuar mungesën e garës, emërimet e sekretarëve si dhe idenë për t’u përfaqësuar nga ish-të përndjekurit dhe ish-pronarët, duket sikur po e kthen këtë parti në udhëheqjen tradicionale.
Rakipllari ka folur ftohtë dhe i ka ndarë këto thënie në pika duke analizuar mendimin e tij.
“ Mendoj se janë dy-tre tendenca të këtyre emrave të kryesisë së Partisë Demokratike. Ekziston një problem, dy emrat Tomor Alizoti dhe Jorida Tabaku, që PD ka deklaruar se janë dy më të votuarit, se ne nuk kemi parë numërim votash. Duhet të themi të vërtetën se transparencë mbi votimin nuk ka pasur.
E dyta, sekretarët janë pothuajse të emëruar se garë nuk ka patur. Kandidatët që ishin përballë Gazmend Bardhit dhe Gjatës ishin kandidat sorrogato, duhet të themi të vërtetën. Ata ishin të emëruar.
E treta, fakti që ata dy persona që kanë dalë në krye të votimit, Alizoti dhe Tabaku, kanë nga një simbolikë përveç faktit se janë dy figurat më të njohura. Njëri është përfaqësues i të përndjekurve dhe tjetra e ish-pronarëve. Pra duket një tendecë që Basha kërkon t’a evidentojë dhe të shkojë drejt të djathtës tradicionale”, ka thënë ai.
