Procesi zyrtar i votimit në Kosovë u mbyll në orën 19:00, teksa ka pasur ende qytetarë në radhë në pritje për të hedhur votën e tyre. Ndërkohë, gjatë votimeve nuk ka pasur incidente të shumta dhe çdo gjë ka shkuar mirë. Pjesëmarrja ka qenë në shifra të larta, teksa në njoftimet e para është bërë me dije se kanë votuar 46.73% e qytetarëve.
Pas përmbylljes së procesit nuk ka mnuguar edhe reagimi i Ambasadës Amerikane në Prishtinë, e cila i ka cilësuar zgjedhjet inkurajuese në terma të pjesëmarrjes. Në një postim në Twitter ambasada shkruan se tashmë është e rëndësishme që t’i jepet kohë dhe hapësirë Komisionit Qendror të zgjedhjeve dhe institucioneve të tjera për të numëruar vota.
STATUSI NGA AMBASADA AMERIKANE
Inkurajuese për të parë kaq shumë qytetarë që dalin të votojnë paqësisht sot, pavarësisht nga moti dhe pandemia. Tani është e rëndësishme t’i jepet kohë dhe hapësirë Komisionit Qendror i Zgjedhjeve dhe institucioneve të tjera të #Kosovës për të numëruar votat dhe për të bërë punët e tyre. #Votat e Kosovës2021
Ndërkohë, më vonë pritet edhe deklarata e KQZ për numrat e saktë të pjesëmarrjes dhe procesin në tërësi, pasi ende janë në pritje të mbylljes së votimit në çdo qendër. Deklarata u shty me gjysmë ore derisa të votojnë edhe qytetarët që ishin ende në radhë.
