Komisioni Qendror i Zgjedhjeve (KQZ) ka njoftuar partitë politike se afati i fundit për dorëzimin e aplikimeve për certifikim dhe listat e kandidatëve për deputetë për zgjedhjet e 9 shkurtit është 11 dhjetori 2024, deri në orën 16:00.
KQZ ka krijuar dhe dërguar platformën elektronike (https://certifikimi.kqz-ks.org/) për aplikimet online.
Të gjitha partitë politike të regjistruara dhe koalicionet kanë marrë “userët” për të aksesuar platformën, ndërsa po krijohen “userët” edhe për subjektet politike të tjera, si iniciativa dhe kandidatë të pavarur, që duan të aplikojnë për certifikim.
