Ish- kryeministri, Sali Berisha i ftuar në “ora-news” u shpreh në lidhje me zgjedhjet e 30 qershorit duke theksuar se kjo është një betejë që do të shkojë deri në fund.
Sipas Sali Berishës kjo është një betejë ku janë konsumuar shumë mjete pasi ka pasur një marrëveshje të 2017 e cila në vend që ti jepte vendit paqen që meritonte për shkak të zgjedhjeve i dha dosjen 339 dhe 182, theksoi ndër të tjera Berisha.
Ndër të tjera i ftuar në emision ai u shpreh se ose do të shembet sistemi ose opozita do të shkojë drejt shuarjes finale.
‘Marrëveshje të dytë me Edi Ramën nuk do të ketë njeri të bëj. Në 30 qershor do të ketë përplasje të fuqishme. Ose do shemb këtë sistem ose opozita do të shkojë drejt një shuarje finale. Kam parasysh përballjen e popullit me narkoshtetin.
30 qershori më duket një datë e largët për ekzistencën e Ramës si kyreministër. Rrëzimi i tij duhet të vijë një ditë e më parë. Zgjedhje nuk mund të ketë më 30 qershor” – tha Sali Berisha.
