Ditën e sotme partia Socialiste ka dorëzuar në Komisionin Qendror të Zgjedhjeve kërkesën për koalicionin zgjedhor me 21 parti politike. Në datë 30 prill, Sekretari i Përgjithshëm i Partisë Socialiste, Taulant Balla firmosi me 21 parti aleate, si ajo e Skënder Gjinushit, PSD, Paskal Milos, PDS, e të tjera.
Ndërsa opozita e bashkuar, e cila përfshin partitë si PD, LSI, PDIU, PBDNJ, PAA, PR e të tjera, kanë firmosur marrëveshjen për të mos hyrë në zgjedhjet vendore. Ata kërkojnë qeveri tranzitore pa Edi Ramën kryeministër.
Koalicioni opozitar firmosi pak ditë më parë marrëveshjen për të mos u futur në zgjedhje, ndërsa sot prezantuan 10 pikat mbi të cilat sipas tyre duhet të funksionojë qeveria tranzitore.
Opozita pas djegies së mandateve doli në rrugë duke kërkuar rrëzimin e Ramës përmes protestave, ndërsa kanë deklaruar se nuk do të lejojnë zgjedhjet lokale, por kryeministri i ka paralajmëruar për vitet e burgut që i presin.
