Demokrati Gazmend Koduzi u shpreh se zgjedhjet lokale kanë gjithmonë element të papritur duke qenë se kandidatët sipas tij priren të votojnë individin. I ftuar në “Të vaksinuarit”, Koduzi deklaroi gara e PD-së është me Partinë Socialiste dhe se në këto zgjedhje nuk mund të garojë një grup i PD-së me vulën e LSI-së (referuar koalicionit ‘Shtëpia e Lirisë’).
Nga ana tjetër Endrit Braimllari (Sekretar i Përgjithshëm i LSI-së) tha se 6 kandidatët pretendentë për të fituar janë të Komisionit të Rithemelimit, duke theksuar se koalicioni ka sjellë një frymë shumë pozitive për LSI-në që ajo të provojë forcën e saj në këto zgjedhje.
Pjesë nga diskutimi në studio:
Gazmend Koduzi(Anëtar i Kryesisë së PD): Ne duhet të dimë se zgjedhjet lokale janë me kontekst lokal, Shpesh herë ka pasur të papritura me votën e qytetarëve, në zona psh tradicionalisht të djathta fiton e majta apo anasjelltas. Qytetarët votojnë individin, a ka qenë stoic etj etj. Kanë disa element që shpesh herë janë të papritura.
Kemi kandidatë të PS, PD dhe të LSI-së, kanë shtabet dhe aktivitetet e tyre.
Garën e kemi me PS. Zoti Sefa në Lushnjë është një djalë i fisëm, ka shumë mundësi që të fitojë, ndërsa kandidati i PS-së është nga një fshat tjetër.
Konteksti lokal është shumë interesant, prandaj e them këtë gjë.
Po shikoja një sondazh, del që në Durrës, Shkodër dhe Dibër është para kandidati I PD-së. Në 3 tjerat është parë kandidati i PS-së, kjo është situata.
Në PD nuk ka pasur primare në këto lloj zgjedhjesh.
Avenir Peka: Kush e bën partinë Demokratike, juve u kanë ikur njerëzit?
Koduzi: Ti ke ikur vetë, me forcë janë larguar të tjerë, me dru madje. Pjesa tjetër ka ikur vetë.
Peka: Basha është produkt i Sali Berishës, të lutem tani…
Braimllari: Nuk ka asnjë lloj kompleksi, të 6 kandidatët janë të Komisionit të Rithemelimit, marrëveshja është e qartë. Nëse nuk do ishte Berisha, Basha nuk do ishte fare si figurë politike.
Koduzi: Si përfaqësohet PD-ja me vulën e LSI-së?
Brahimllari: Është kandidatura më e mirë, do donim që LSI të provonte forcën e saj reale por faksti që jemi në një process të shpejtë, mbështesim kandidaturat. Fryma është shumë pozitive për kandidatë të LSI-së. Me 6 mars do gjykohet më mirë por psh Zoti Bano nga fushata është në përparësi.
Kalaja: Ku ka shance reale opozita?
Brahimllari: Këto zgjedhje do ndajnë opozitën reale nga ajo fasadë.
Avenir Peka: PD është ndarë në dy, para 9 shtatorit ka marrë fund. Fakti qe kemi cic mice është sepse ka ndodh.
Gjykatat me të drejtë pa të drejtë njërit grup do i japë emrin dhe siglën, pavarësisht se sot baza është e dyzuar, PD është e ndarë.
De fakto sot une dhe Gazment Bardhi jemi pjesë e dy partive të ndryshme. 6 marsi pavarësisht natyrës lokale, është e rëndësishme për të matur forcat.
Basha mund të thotë cfarë të dojë, të përdorë alibitë e tij por me 6 mars del rezultati.
Ku ka kryetar partie që nuk bën fushatë, vetëm Lulzim Basha, sepse e di shumë mirë si do jenë rezultatet.
Altin Gjeta: Këto zgjedhje nuk janë për qytetarët, këshilli bashkiak është në dorën e PS-së. Nga pikëpamja e interesit qytetar këto janë zgjedhje për tu harruar, do prodhojnë rezultat që do shohim forcën e Bashës apo të Berishës.
Nuk mendoj që kjo datë do jetë ajo e ndarjes së grupit fitues në PD, ai grup që do dalë më dobët do vijojë me justifikimet. Nuk ka ndodhur kurrë që kryetari i partisë të mos mbështetë kandidatët. Në gjykimin tim nuk është stacioni përfundimtar i krizës, problem është juridik.
Pesha politike do japë disa indikacione te figurat dhe burokracia.
