Gjykata Kushtetuese e Republikës sëe Kosovës, vendosi disa ditë më parë se Kosova do të shkojë në zgjedhje të parakohshme, për shkak se deputeti Etem Arifi i cili përcaktoi mazhorancës e qeverisë Hoti, pas rrëzimit të qeverisë Kurti, ishte e pavlefshme pasi ky i fundit ishte i dënuar më parë nga gjykata.
Duket se Kosova do të ketë rreth 1 muaj kohë që të përgatitet për zgjedhjet teksa sot Gjykata Kushtetuese shpalli aktgjykimin e plotë të vendimit për rrëzimin e qeverisë Hoti pas pavlefshmërisë së votës nga deputeti Etem Arifi, i cili ishte i dënuar.
Presidentja në detyrë e Kosovës, Osmani kishte paralajmëruar se me t’u publikuar aktgjykimi i plotë i vendimit, ajo do shpallte datën.
Postimi i Presidentes Vjosa Osmani:
“Duke u bazuar në përgjegjësitë kushtetuese dhe Aktgjykimin e Gjykatës Kushtetuese Nr. KO-95/20, si dhe pas diskutimit me partitë parlamentare dhe Komisionin Qendror të Zgjedhjeve, kam marrë vendim të shpallë zgjedhjet dhe të caktojë 14 shkurtin 2021 datë për mbajtjen e zgjedhjeve parlamentare të parakohshme. Më këtë vendim KQZ-ja është udhëzuar t`i ndërmarrë të gjitha veprimet e nevojshme për organizimin dhe mbajtjen e zgjedhjeve për Kuvendin e Republikës së Kosovës.
Uroj që nëpërmjet këtij procesi zgjedhor, qytetarët e Kosovës të kontribuojnë për avansimin e mëtejmë të demokracisë në vendin tonë.”, ka shkruar U.D. e Presidentes së Kosovës, Vjosa Osmani./Gazetareforma.com/
