Mbrëmjen e sotme Partia Demokratike ka mbledhur Grupin Parlamentar. Burime bëjnë me dije se gjatë fjalës së tij kryedemokrati Lulzim Basha është ndalur tek inceneratorët duke u shprehur se në një vend normal duhet të ishin nisur të arrestonin Agaçin.
“Këtu është kapur në flagrancë e gjithë kupola e PS dhe qeverisë. Afera e inceneratorëve eshte nje çështje e rëndësishme dhe po nxjerr në dritë të dhëna të rëndësishme. Është e qartë që minimalisht me këto të dhëna, në një vend normal duhet të ishin nisur të arrestonin Agaçin.”
Po ashtu Basha ka deklaruar se “Ka disa kërkesa për komisionet, do ti diskutojmë dhe do të vendosim kompozimin më të mirë”.
Kujtojmë se Basha e mbledh grupin e PD një ditë para seancës plenare në Kuvend, ku do të miratohen anëtarët e komisionit për reformën zgjedhore dhe atë territoriale. Gjithashtu bëhet me dije nga selia blu se në këto momente deputetet po diskutojnë për punën organizative për zgjedhjet e pjesshme lokale te 6 marsit.
Më herët ishte kryedemokrati Basha ai i cili dënoi aferën e inceneratorëve duke akuzuar për përfshirjen e kupolës së PS në të.
Kujtojmë se Basha e mbledh grupin e PD një ditë para seancës plenare në Kuvend, ku do të miratohen anëtarët e komisionit për reformën zgjedhore dhe atë territoriale. Gjithashtu, në seancën e nesërme plenare pritet të votohen edhe bashkëkryetarët e këtyre dy reformave.
