Senati Amerikan ka dalë me një deklaratë për s ai përket zgjedhjeve të 25 prilit në Shqipëri. Deklarata u bë nga Kryetari i Komitetit të Marrëdhënieve të Jashtme të Senatit Amerikan, Bob Menendez, dhe anëtari Jim Risch. Ata inkurajojnë popullin shqiptar të votojë, ndërsa nxisin autoritetet të sigurojnë që votuesit të jenë në gjendje ta ushtrojnë këtë të drejtë të lirë nga frikësimi dhe dhuna. Më tej në deklaratë thuhet se Senati pret që kandidatët të veprojnë në përputhje me normat demokratike edhe kur bëjnë fushatë të fuqishme. Nga ana tjetër Senati garanton se miqtë e Shqipërisë në Amerikë janë të përkushtuar për të mbështetur një të ardhme demokratike dhe me prosperitet për popullin shqiptar.
“Ndërsa Shqipëria përgatitet për zgjedhjet kombëtare në 25 Prill, ne inkurajojmë popullin shqiptar të votojë. Ne i nxisim autoritetet të sigurojnë që votuesit të jenë në gjendje të ushtrojnë këtë të drejtë themelore të lirë nga frikësimi dhe dhuna. Ne gjithashtu presim që të gjithë kandidatët të veprojnë në përputhje me normat demokratike edhe kur bëjnë fushatë të fuqishme. Miqtë e Shqipërisë në Amerikë janë më të përkushtuar se kurrë për të mbështetur një të ardhme demokratike dhe të prosperuar për popullin shqiptar. ”– thuhet në deklaratën e përbashkët të përfaqësuesve të senatit amerikan.
