Ka nisur sot testimi i pajisjes për identifikimim biometrik të zgjedhësve më 25 prill. Prej orëve të para të mëngjesit janë bërë me dhjetra teste të cilat kanë rezultuar me sukses.
Pasi pajisja të përfundojë testimet, do të vijojë procedura për vendosjen e saj në të gjitha qendrat e votimit. Pas koaludimit do të nisë përgatitja teknike që gjithçka të jetë gati për ditën e votimeve.
Komisioni Qendror i Zgjedhjeve ka vendosur që pilotimi i votimit elektronik të bëhet në Tiranë.
Ndërkohë për votën e emigrantëve deri më tani kanë mundësi të votojnë ata emigrantë për ata që kanë deklaruar adresën e tyre.
Kujtojmë se as në këto zgjedhje nuk do të jenë të pranishëm emigrantët. Jashtë Shqipërisë ka një numër të madh votuesish që po t’iu jepet mundësia për të votuar do të ndikojnë ndjeshëm në rezultatin e zgjedhjeve.
Por pavarësisht premtimeve votat e emigrantëve nuk do të mundësohen këtë 25 Prill.
Shqipëria është një nga vendet me diasporën më të madhe në botë në krahasim me popullsinë. Aktualisht jashtë vendit jetojnë 34% e shqiptarëve, rreth 1.64 milionë. Nga këta, rreth 1.3 milionë kanë të drejtë vote.
Në zgjedhjet e vitit 2017, në Shqipëri votuan rreth 1.6 milionë qytetarë, rreth 300 mijë më shumë se numri i emigrantëve me të drejtë vote jashtë vendit.
