Teksa na ndajnë vetëm 5 ditë nga zgjedhjet e 25 prillit, Ministria e Shëndetësisë ka publikuar një protokoll që duhet të zbatohet gjatë procesit zgjedhor.
Sipas këtij protokolli, ndalohet pjesëmarrja në zgjedhje e personave pozitivë me COVID-19, ndërsa duhet të rrinë të izoluar, apo të atyre që kanë simptoma të virusit.
Mes të tjerash MSH-ja ngarkon KQZ-në për zbatimin e një sërë masave dhe kushteve në qendrat e votimeve, të cilat duhet me doemos që të jenë kati i parë, dhe të kenë hyrje dhe dalje të veçanta.
Përveç maskës, që tashmë është e detyruar, qytetarët do të duhet të respektojnë distancomini si dhe të mbajnë një largësi nga votuesit rreth 1.5 metra.
Sallat ku do të jenë qendrat e votimit dhe ambientet e brendshme të tyre ku do të votohet, duhet të organizohen nga ana e KQZ-së, në mënyrë të tillë që të respektohen masat kundër COVID-19, si: Salla rekomandohet të jetë në katin e parë. Salla duhet të jetë e pajisur me hyrje dhe dalje të veçanta. Në hyrje të qendrës së votimit të jetë vendosur dezinfektantët për duart. Çdo votues duhet të jetë i pajisur me maskë. Mjediset e brendshme duhet detyrimisht të dezinfektohen, një ditë para procesit të votimit etj.
