Damian Gjiknuri i ka kaluar sot zyrtarisht detyrën e Sekretarit të Përgjithshëm të PS-së, kolegut të tij, Blendi Klosi. Shkarkimi i Gjiknurit nga posti u bë në Asamblenë e Përgjithshme të Partisë Socialiste 2 ditë më parë. Gjiknuri shtoi se PS ka nisur një analizë për rezultatin në zgjedhje, ndërsa paralajmëroi se në shtator do të nis procesi zgjedhor në parti.
Blendi Klosi, tashmë sekretar i Përgjithshëm i PS-së, i komanduar, teksa është pyetur në lidhje me vendimin që do të marrë PS për Arben Ahmetajn, i shpallur në kërkim nga policia, për aferën e inceneratorëve, deklaroi se vendimi do të merret në shtator.
Ai tha se kjo është pyetje që i takonte grupit Parlamentar të PS.
“Sot në ditën time të parë si sekretar i Përgjithshëm të PS-së. Vijon që tu jem mirënjohës mbi 100 mijë anëtarëve të PS-së. kemi nderin krenarinë dhe fatin që i kemi këto detyra. Është një pyetje që i takon grupit parlamentar i cili padyshim që në mbledhjen e tij të parë në fillim të sezonit parlamentar do të marrë edhe vendime të plota për çështje të cilat shqetësojnë dhe një ndër këto është edhe e Ahmetajt. Kam bindjen e thellë se në sërish do të fitojmë. Ne bëjmë ndryshime për të përmirësuar veten tonë.”, -tha Klosi.
