Ditën e sotme Kreu i grupit parlamentar të Partisë Socialiste Taulant Balla është shprehur se të premten do të bëjnë publike emrat e kandidatëve për President. Në fjalën e tij para mediave, pas mbledhjes së Konferencës së Kryetarëve, Balla tha se fillimisht do t’i dorëzojnë emrat në kryesi dhe më pas do t’i bëjnë publikë për gazetarët. Ai paralajmëroi edhe Opozitën që të mos bojkotonte të shtunën në votimin që do të bëhet për pasardhësin e Ilir Metës duke shtuar se ky do të ishte një gabim i madh.
“Me rregulla bëhet kjo që po bëjmë ne. unë dhe dy kolegët e tjerë që jemi ngarkuar do të kemi një formim të kryesisë së PS-së për ecurinë dhe të gjithë punën, prisni njheni edhe ju me këtë çështje. Grua apo burrë? Ha shumë diskutim, nuk përjashtohet gjinia, e rëndësishme është të kemi një president që të mishërojë vlera të larta të integritetit, ndryshe nga Ilir Meta. Dëshira jonë ishte që ta zgjidhnim në bashkëpunim me Opozitën. U shpreha keqardhjesot, nuk u bnë nder demokratëve të drejtuar nga Alibeaj që të kthehet në kohën e bojkotit, bojkoti u ka dhënë leksione, shpresoj që të shtunën në orën 18:00 të mos bëjë të njëjtin gabim,”- tha Balla.
