Vatikanit do t’i mbyllen linjat telefonike të brendshme duke nisur nga ora 15:00 më 7 maj, në kuadër të masave për ruajtjen e sekretit gjatë konklavës për zgjedhjen e papës së ri.
Vendimi është marrë për të garantuar konfidencialitetin maksimal gjatë procesit të votimit, në të cilin marrin pjesë 133 kardinalë nga e gjithë bota.
Pezullimi i komunikimeve nuk do të përfshijë Sheshin e Shën Pjetrit, ku mijëra besimtarë pritet të mblidhen me shpresën për të parë shpalljen e pasardhësit të Papa Françeskut, i cili ndërroi jetë më 21 prill.
Sipas protokollit të rreptë të konklavës, kardinalët do të hyjnë në Kapelën Sistine pa telefona apo pajisje komunikimi, në përputhje me traditën shekullore të fshehtësisë që karakterizon këtë moment vendimtar për Kishën Katolike.
