Ndonëse nuk na ndajnë shumë muaj nga zgjedhjet lokale të vitit 2023, partitë politike në vend akoma nuk kanë prezantuar asnjë nga kandidatët për kryretar bashkie apo anëtar të kishillit bashkiak. Gjithsesi aludimet kanë filluar dhe politikanë të partive politike të “ngacmuar” nga gazetarët zbulojnë osë aludojnë persona të mundshëm. Bashkia e Tiranës, më e madhja në vend është një trofe shumë i madh për këdo forcë që arrin ta fitojë. Gjatë këtyre 2 mandateve të fundit kjo bashki është drejtuar nga Erion Veliaj. Sekretari i Përgjithshëm i Partisë Socialiste, Damian Gjiknuri ka deklaruar se Erion Veliaj është kandidat shumë serioz i PS për zgjedhjet e ardhshme lokale në Tiranë. Në emisionin “Now” në Euronews Albania, Gjiknuri u shpreh se Erion Veliaj në dy mandate si kryebashkiak i Tiranës ka bërë punë të pamohueshme në Tiranë. Ndërkohë që Gjiknuari i justifikon kritikat me kohën e gjatë në detyrë.
“Erion Veliaj është kryetar bashkie në detyrë, ka bërë goxha punë. Erion Veliaj është një kandidat shumë serioz i PS dhe vjen me një bagazh arritjesh që e bëjnë atë kandidat favorit për të fituar ndaj kundërshtarit”, tha Gjiknuri.
Kujtojmë se Veliaj e ka marrë në tavolinë mandatin e dytë pasi në zgjedhjet e kaluara lokale opozita nuk mori pjesë dhe Veliaj ishte kandidat i vetëm. Asokohe opozita bojkotoi zgjedhjet për pushtetin lokal, duke i kaluar kështu në dorë Kryeministrit Rama të gjitha pushtetet, pasi më parë opozita dogji dhe mandatet dhe nuk përfaqësohej në parlament.
