Greqia ka shtyrë sërish afatin e bllokimit të Pikës Kufitare të Kapshticës, deri në datën03.05.2021.
Deri në datën e vendosur dalja nga Shqipëria dhe hyrja drejt Greqisë nga kjo pikë kufitare nuk do të lejohet.
Ndërsa dalja nga Greqia dhe hyrja drejt vendit tonë, do të jetë e lejuar nga ora 06:00 deri në orën 22:00, për të gjithë shtetasit dhe kategoritë e mjeteve. Këtë vendim e ka njoftuar Autoriteti i Policisë Greke, në vijim të masave të marra nga qeveria mbi përballimin e pandemisë globale të COVID-19.
Kujtojmë se masat e publikuar në datë 18 prill shtynin afatin e hapjes së kufirit deri më datë 26 prill. Vendim i cili është shtyrë sërish ditën e sotme deri në datë 03.05.2021.
Njoftimi i policisë Korçë:
Drejtoria Vendore e Kufirit dhe Migracionit Korçë.
Stacioni i Policisë Kufitare Kapshticë:
Autoritetet e Policisë Greke, në vijim të masave të marra nga qeveria greke mbi përballimin e situatës së krijuar për shkak të pandemisë COVID-19, kanë njoftuar palën shqiptare për shtyrjen e afatit të bllokimit të Pikës së Kalimit Kufitar Kapshticë, deri në datën 03.05.2021.
Deri në këtë datë, dalja nga Shqipëria dhe hyrja drejt Greqisë nëpërmjet kësaj pike kalimi, vijon të jetë e mbyllur.
Ndërsa dalja nga Greqia dhe hyrja drejt vendit tonë, do të jetë e lejuar nga ora 06:00 deri në orën 22:00, për të gjithë shtetasit dhe kategoritë e mjeteve.
