Vendimi për rikthimin e vizave për shqiptarët nga Holanda padyshim ka qenë një lajm i keq për Shqipërinë dhe duket se nëse çështja niset drejt Komisionit Evropian mund të përfundojë edhe më keq.
Maja Kocijançiç zëdhënësja e KE-së në një intervistë për “European Western Balkans” duke thënë se ende Komisioni Evropian nuk ka një njoftim që t’i kërkohet pezulimi i liberalizimit të vizave për vendin.
Edhe Kocijançiç mban të nëjjtin qëndrim që ka shprehur zëdhënësja e Komisionit Evropian, Natasha Bertaud, ku është shprehur se Komisioni është në dijeni të votimit të nocionit, por ende nuk ka asnjë njoftim rreth kësaj çështjeje.
“Komisioni është në dijeni të votimit dje të mocionit në Parlamentin holandez, por ka një procedurë specifike që është në fuqi mbi pezullimin e mekanizmit të vizave dhe, deri tani, nuk kemi marrë asnjë njoftim nga asnjë shtet anëtare që të kërkojë aktivizimin e mekanizmit të vizave për ndonjë vend që përfiton nga udhëtimi i lirë pa viza”, theksoi Bertaud më 17 prill, njofton ATSH.
Gjithashtu Bertaud ka thënë se në momentin që vjen një njoftim i tillë atëherë do të fillojë edhe analizimi dhe vlerësimi i situatës dhe marrja e një vendimi të saktë.
Ajo theksoi që nëse në Komision do të marrë një njoftim të tillë ai do analizohet me kujdes në përputhje me gjithë rregullat që ka KE.
“Nëse Komisioni do të marrë një njoftim të tillë, ai do e analizojë me kujdes, do e vlerësojë dhe do të vendosë nëse ky veprim nevojitet, duke theksuar rolin kryesor që ka ky organizëm në këtë proces”.
