Çmimi Nobel për fizikën këtë vit është ndarë mes Roger Penrose, Reinhard Genzel dhe Andrea Ghez.
Këtë lajm e ka bërë të ditur Akademia suedeze e Shkencave e cila thotë se tre shkencëtarë janë shpërblyer me këtë çmin për punën e tyre në të kuptuarit e vrimave të zeza.
Një pjesë e çmimit i ka shkuar Roger Penrose për zbulimin që formimi i vrimave të zeza ka qenë një parashikim i teorisë së përgjithshme të relativitetit, ndërsa pjesa tjetër i ka shkuar Reinhard Genzel dhe Andrea Ghez për zbulimin e një objekti kompakt super të dendur në qendër të galaksisë tonë.
Ndërkohë kujtojmë se në vitin 1895 kimisti dhe industrialisti suedez, Alfred Nobel themeloi këtë çmim para se të vdiste.
Një ditë më parë Nobeli për Mjekësinë iu dha 3 shkencëtarëve për zbulimin e hepatitit C, ndërsa fituesi i Çmimit të Kimisë do të shpallet nesër e do të pasohet nga ai i Letërsisë të enjten dhe i Paqes të premten. Të hënën e ardhshme do të ndahet çmimi i Nobelit në Ekonomi.
