Ish-kryeministri Sali Berisha ka bërë një deklaratë të fortë në lidhje me ish-ministrin Arben Ahmetaj. Sipas Berishës Ahmetaj ka udhëtuar drejt Londrës,a ty ku ndodhet edhe kryeministri Edi Rama, për të bërë një marrëveshje e këtë të fundit, teksa ndodht në një situatë kritike. Gjithashtu Berisha duke e cilësuar Ahmetajn si “tigrin e korrupsionit” u shpreh se eshtë një nga personat kyç në aferën e inceneratorëve, teksa tha se kryesori mbetet Rama.
“Mediat njoftojnë se Tigri i Korrupsionit ka udhëtuar për në Londër, për një ‘deal’ (marrëveshje) me Edi Ramën. Nuk mund të konfirmoj as të mohoj këtë udhëtim. Por edhe njëherë, siguroj shqiptarët se Arben Ahmetaj është një nga personat kryesorë të mega-aferës korruptive të djegësve. Por personi më kryesor, njëshi me distancë në këtë aferë, është personalisht Edi Rama.E kam përsëritur dhe e përsëris qindra herë, Edi Rama është njeriu që ka firmosur për kontratën me negociata të mbyllura në kundërshtim flagrant me ligjet e vendit. Ai ka furnizuar fondin rezervë të Këshillit të Ministrave për sipërmarrjen e tij të djegësave. Edi Rama është përgjegjësi më kryesor, numër një, pasi tetë muaj përpara se të formohej sipërmarrja e Mërtirit dhe Zotos, i akordoi asaj me vendim të Këshillit të Ministrave, bonusin prej 8 pikësh, paçka se ministrja Felaj i kishte thënë se ndërmarrja nuk ekzistonte. Edi Rama është njeriu direkt përgjegjës për djegësat sepse dokumentet faktojnë se ai i ka bërë presion Ahmetajt për të firmosur. Janë pra një seri rrethanash. Edi Rama është implikuar me thjeshtrën e tij në fushën e Porto Romanos. Një ditë vendosi që aty të ndërtohej një eko-park. Por jo vetëm kaq, por projektin e eko-parkut do e bënte si nënkontraktore, kompania ku punon thjeshtra e tij. Mirëpo SKAP-i është i partisë dhe është sot për sot, organi më i kapur në drejtësinë dhe gjithë shtetin shqiptar”, shprehet Berisha.
