Mëngjesin e 9 marsit vendi ynë do zgjohej si një shtet i prekur nga Covid-19, pasi u identifikuan dy të infektuarit e parë.
Djali, 28 vjeç dhe babi 56 vjeç nga Puka, rezultuan pozitivë në testin e koronavirusit, teksa rastet e kontaktit të tyre ishin të shumta.
Fatmirësisht, të dy ia dolën ta mposhtnin virusin që po tmerron botën dhe tani gëzojnë shëndet të plotë.
Ka qenë epidemiologu Rexhep Muja, ai që ka zbuluar rastin e parë me Covid-19, që njihet si rasti “0”, teksa në një lidhje direkte me emisionin “Open” mbrëmjen e sotme ka treguar se si është ndjerë kur ka zbuluar rastin e parë, duke thënë se dhe sot i rrënqethet mishi.
Emidemiologu tha se ai i kishte thënë lajmin pacientit “0” dhe familja e tij e kishte përjetuar keq, pasi ishte rasti i parë dhe nuk kishte shumë informacione.
Ishit vetë për ta marrë tamponin?
Personalisht vetë.
Si u ndjetë kur rezultoi pozitiv?
Kisha javën e shërbimit dhe gjatë gjithë javës ishim të ngarkuar. Nuk njihja as orët e gjumit. Kërkesat ishin të shumta, ishte javën e ngarkuar dhe nga mjeket e familjes. Ka qenë ditë e dielë, shkova në vatër me masat mbrojtëse. Pashë diçka të çuditshme, i sëmuri ishte i rënduar. Ishte i çuditshëm, i zverdhur. Mora dhe tamponët e familjarëve dhe të nesërmen dhe u zgjarua shumë rrethi i personave që ata kishin kontakte. Ishte shumë shqetësuese dhe e lodhshme. Nisëm një punë intensive ditën tjetër, ku u ngritën grupet e punës.
Si u ndjeve, çfarë emocioni kishe?
Nuk do ta them, do të them vetëm kaq, akoma më rrënqethet mishi.
Kush ja dha lajmin pacitentit?
Unë ja thashë.
Nuk ishte e thjeshtë..
Ishte një panik në familjen e tyre, po u gjendëm pranë tyre. Këmi qenë disa herë në familje, u qëndruam afër nga ana sociale.
